لکھبو_( اُردو لیکس )اتر پردیش کے ضلع کشی نگر کے نیبوا نورنگیا گاؤں میں ایک شادی کی تقریب میں اس وقت غم کی لہر دوڑ گئی جب شادی میں شرکت کرنے والے باراتی کنویں میں گر پڑے۔شادی کی تقریب کے مقام پر ایک گہرا کنواں تھا جس پر سیلب ڈال کر بند کردیا گیا تھا چہارشنبہ رات اس سلیب پر گنجائش سے زیادہ افراد بیٹھ گئے جس کے نتیجہ میں سیلب ٹوٹ پڑا اور کنویں کے اندر کئی لوگ گر پڑے۔اس حادثہ میں 13 باراتی کی موت ہوگئی۔
حادثے میں زخمی ہونے والے 12 سے زائد افراد کی حالت تشویشناک بتائی جاتی ہے۔ مرنے والوں میں خواتین، نوجوان اور بچے شامل ہیں۔
چیف منسٹر آدتیہ ناتھ نے اس واقعہ پر گہرے رنج و غم کا اظہار کیا ہے۔ انہوں نے ٹویٹ کیا، "کشی نگر ضلع کے گاؤں نورنگیا اسکول ٹولہ کے ایک بدقسمت واقعہ میں گاؤں والوں کی موت انتہائی افسوسناک ہے۔ میری ہمدردیاں مرنے والوں کے سوگوار خاندانوں کے ساتھ ہیں۔ پربھو شری رام سے زخمیوں کی جلد صحت یابی کے لیے دعا گو ہوں۔ ضلعی انتظامیہ نے کہا ہے کہ حادثے میں مرنے والوں کے لواحقین کو فی کس چار لاکھ روپے دیے جائیں گے۔
پولیس ذرائع نے بتایا کہ ٹولہ گاؤں کے نورنگیا میں شادی کی تقریب کے دوران اچانک کنوئیں کا سلیب ٹوٹ گیا اور 25 سے زائد خواتین، بچے کنوئیں میں گر گئے۔ مقامی دیہاتیوں کی مدد سے پولیس موقع پر پہنچی اور سب کو کنوئیں سے نکالا۔