مورخہ: 17 فروری 2025، بروز پیر
یہ خبر انتہائی رنج و غم کے ساتھ دی جا رہی ہے کہ مالیگاؤں میونسپل کارپوریشن پرائمری اسکول کے فعال معلم و سبکدوش صدر مدرس، اسکول نمبر 33 چونابھٹی میں 33 سال سے زائد عرصے تک علم و ادب کی روشنی بکھیرنے والے محترم شبیر احمد محمد رمضان آج مورخہ 17 فروری، بروز پیر دوپہر میں اس دارِ فانی سے رخصت ہو گئے۔
إِنَّا لِلّهِ وَإِنَّـا إِلَيْهِ رَاجِعونَ
مرحوم ایک ہرفن مولا شخصیت، فرض شناس معلم، اصول پرست اور قناعت پسند انسان تھے۔ ان کی ذات علم و اخلاق کا پیکر تھی، جو ہمیشہ طلبہ کی ذہنی و فکری نشوونما، علمی ترقی اور تقریری صلاحیتوں کو پروان چڑھانے میں مصروفِ عمل رہی۔ وہ نہ صرف ایک باصلاحیت مدرس تھے بلکہ ثقافتی تقریبات کے روحِ رواں بھی تھے۔ ان کی تعلیمی و تدریسی خدمات ہمیشہ یاد رکھی جائیں گی، اور ان کے جانے سے تعلیمی برادری میں ایک ایسا خلا پیدا ہوگیا ہے جو شاید کبھی پُر نہ ہو سکے۔
نمازِ جنازہ اور تدفین
مرحوم کی نمازِ جنازہ آج 17 فروری، بروز پیر، بعد نماز عصر، ٹھیک ساڑھے پانچ بجے، چندنپوری گیٹ، نزد خانقاہ مسجد میں ادا کی جائے گی۔ بعد ازاں ان کے جسدِ خاکی کو بڑا قبرستان، نیاپورہ میں سپردِ خاک کیا جائے گا، ان شاء اللہ۔
اللہ تعالیٰ مرحوم کی مغفرت فرمائے، ان کی لغزشوں کو حسنات میں تبدیل کرے، انہیں جنت الفردوس میں اعلیٰ مقام عطا فرمائے اور تمام اہل خانہ، عزیز و اقارب، شاگردان و احباب کو صبرِ جمیل عطا فرمائے۔
آمین ثم آمین
پسماندگان
مرحوم کے پسماندگان میں لائق و فائق معلم زبیر سر (چھوٹی مالیگاؤں اسکول) ان کے فرزند ہیں، جبکہ ضلع پریشد اسکول سٹانہ کی صدر معلمہ تسنیم اختر صاحبہ ان کی دختر ہیں۔
دیگر فرزندگان میں
حاجی مدبر احمد
حاجی مدثر احمد
مبشر احمد شامل ہیں
جبکہ شعیب سلیم پرانت آفس مالیگاؤں و دامادوں میں شامل ہیں:
عزیز اعجاز سر (مدر عائشہ اسکول)
جمیل سر (کینو پرائمری اسکول)
عرفان آٹو
شریکانِ غم
مرحوم کے انتقال پر شہر کی علمی، ادبی، تعلیمی اور سماجی برادری میں گہرے رنج و غم کی لہر دوڑ گئی ہے۔ تعلیمی میدان میں ان کی بے مثال خدمات کو خراجِ عقیدت پیش کرنے والوں میں شامل ہیں:
مختار قریشی سر
شاکر سر
مفتی اسماعیل قاسمی
آصف شیخ رشید
اعجاز بیگ
عبدالمالک یونس عیسی
کارپوریٹر ابراہیم سائیکل والے
راجو گائیڈ
ڈاکٹر خالق
صدر و اراکین کل ہند اردو اساتذہ تنظیم
میونسپل کارپوریشن اساتذہ
پینشرس ایسوسی ایشن
اکھل بھارتیہ اردو شکشک سنگھٹنا
نوجوانانِ محلہ رسولپورہ، چندنپوری گیٹ، پجرنگ واڑی، بھائیکلہ ادارہ شامنامہ
ایک عہد تمام ہوا
مرحوم شبیر احمد محمد رمضان کا انتقال نہ صرف ان کے اہل خانہ کے لیے ذاتی صدمہ ہے بلکہ شہرِ مالیگاؤں کے علمی و تعلیمی حلقوں کے لیے بھی ایک بڑا نقصان ہے۔ ان کی یادیں، نصائح اور تعلیمی خدمات ہمیشہ شاگردان و اساتذہ برادری کے دلوں میں زندہ رہیں گی۔
اللہ تعالیٰ سے دعا ہے کہ وہ انہیں جوارِ رحمت میں جگہ دے اور پسماندگان کو صبر و استقامت عطا فرمائے۔
آمین یا رب العالمین