کاسودہ کی اردو پرائمری اسکولوں میں اساتذہ کی کمی ؛ تعلیمی نقصان روکنے کے لیے رکن اسمبلی امول پاٹل کو میمورنڈم (کا سود ہ: نورالدین ملا جی کی رپورٹ)

 

 کاسودہ کی اردو پرائمری اسکولوں میں اساتذہ کی شدید کمی کی وجہ سے طلبہ کے تعلیمی معیار پر اثر پڑ رہا ہے۔ 
کاسودہ علاقے کے چار اردو پرائمری اسکولوں میں ہر اسکول میں تقریباً چار اساتذہ کی کمی ہے، یعنی مجموعی طور پر 16 اساتذہ کی کمی ہے، 
جس کی وجہ سے طلبہ کا تعلیمی نقصان ہو رہا ہے۔
اسکولوں میں طلبہ کی تعداد کے مقابلے میں مطلوبہ تعداد میں اساتذہ دستیاب نہ ہونے کی وجہ سے موجودہ اساتذہ پر تدریس کا اضافی بوجھ پڑ رہا ہے۔

 نتیجتاً طلبہ کو باقاعدہ اور معیاری تعلیم فراہم کرنے میں دشواری پیش آ رہی ہے اور ان کی تعلیمی ترقی متاثر ہونے کا خدشہ ظاہر کیا جا رہا ہے۔
اس سنگین مسئلے کی طرف توجہ دلانے کے لیے ذوالفقار علی، بلال قاضی اور عمران مجاور نے رکن اسمبلی امول پاٹل سے ملاقات کی اور اساتذہ کی کمی کو فوری طور پر دور کرنے کا مطالبہ کرتے ہوئے میمورنڈم پیش کیا۔
 رکن اسمبلی امول پاٹل نے جلگاؤں کے محکمۂ تعلیم کے افسر کو فون کرکے مسئلہ حل کرنے کی ہدایت دی۔ تعلیم افسر نے بھی اس معاملے پر توجہ دینے کی یقین دہانی کرائی۔

میمورنڈم کے ذریعے مطالبہ کیا گیا ہے کہ اردو پرائمری اسکولوں میں ضرورت کے مطابق اساتذہ کی تقرری کرکے طلبہ کے تعلیمی نقصان کو روکا جائے۔
والدین اور شہریوں کی جانب سے امید ظاہر کی جا رہی ہے کہ اساتذہ کی خالی اسامیوں کو فوری طور پر پُر کیا جائے گا اور طلبہ کو مناسب اور معیاری تعلیم فراہم کرنے کے لیے انتظامیہ مثبت فیصلہ کرے گی۔