اے اے وائی کنبوں کو سال میں چھ مفت گیس سلینڈر ملیں گے

 

جموں, 06 فروری (ہ س) جموں و کشمیر کے وزیر اعلیٰ عمر عبداللہ نے جمعہ کو قانون ساز اسمبلی میں اعلان کیا کہ حکومت یونین ٹیریٹری کے انتودیہ انا یوجنا کے تحت آنے والے مستحق ترین خاندانوں کو سالانہ چھ مفت ایل پی جی سلنڈر فراہم کرے گی۔
وزیر اعلیٰ نے ایوان کو بتایا کہ اس اقدام کا مقصد معاشرے کے انتہائی غریب طبقے کو راحت فراہم کرنا اور انہیں گھریلو ایندھن کی سہولت یقینی بنانا ہے۔ انہوں نے کہا کہ اس اسکیم کے تحت جموں و کشمیر میں ہر اے اے وائی خاندان کو سال بھر میں چھ مفت ایل پی جی سلنڈر مہیا کیے جائیں گے، جس سے ہزاروں ضرورت مند گھرانوں کو براہِ راست فائدہ پہنچے گا۔
ہندوستھان سماچار 
ہندوستان سماچار / محمد اصغر