*بھیج دے رحمت کی بارش بھیج رحمت کا پتہ* ⛈️☔ 🔖 شگفتہ سبحانی

 

اۓ خداۓ دو.. جہاں اۓ مالک کون و مکاں 
سر جھُکا کر دوڑے آۓ تیرےدر بے آسرا

ہم گناہ گاروں کی ہے فریاد تجھ سے ہر جگہ
بھیج دے رحمت کی بارش بھیج رحمت کا پتہ

سبز کردے تیرے کُن سے سر زمین ِ گلفشاں 
چپہ چپہ ہو منور، بارشیں برسا یہاں

کھیت و دہقاں باغ و بستی لہلاۓ گُل جہاں
تیرے دَم سے دور کردے اب خزاں کی زردیاں

مجرموں کی طرح تیرے در کھڑے عاصی یہاں
ہم نے مانا تیری رحمت ہر بشر پر مہرباں
قَلب کو دے دے  سکوں ہر اک نگر آباد ہو

ہم گناہ گاروں کا دل رحمت سے تیری شاد ہو
اۓ معظم، یا حفیظُ یا علیمُ یا قھارُ

دل پہ جیسے بوجھ ٹھہرا ہے  خداۓ ذی وقار
ہاتھ پھیلاۓ ہوۓ ہیں بھر دے دامن بے شمار

رحمت باراں کی تجھ سے ہم لگاتے ہیں گُہار
واسطہ ہے تجھ کو رّبی تیری رحمت عَام کر

مغفرت بخشش عطا کر مانگتے ہیں صبح و شام
بھردے جھیلیں ندی نالے صحرا کو گلزار کر

ہر شکستہ دل کو رب کعبہ پھر آباد کر
ہاتھ پھیلاۓ رہیں گے ہم شگفتہ ہر دفعہ
ہے یقیں ہوں گی کبھی بھی نا دعائیں رائیگاں