تہلکہ ٹائمز ممبئی:(ایجنسیز)27؍جون: مہاراشٹر میں امتحانی پرچے لیک ہونے کے واقعات تھمنے کا نام نہیں لے رہے ہیں۔ اب مہاراشٹر ٹیچر ایلیجیبلٹی ٹیسٹ (MAHA TET)کے حوالے سے بھی ایک چونکا دینے والی خبر سامنے آئی ہے۔ تھانے میں ٹی ای ٹی امتحان کا پرچہ لیک ہونے کے شبہ کے بعد احتیاطی اقدام کے طور پر 28 جون کو ہونے والا امتحان منسوخ کر دیا گیا ہے۔
ابتدائی اطلاعات کے مطابق، تھانے علاقے سے سوالیہ پرچہ لیک ہونے کی اطلاع متعلقہ حکام کو موصول ہوئی، جس کے بعد انتظامیہ نے فوری طور پر امتحان منسوخ کرنے کا فیصلہ کیا۔
اس فیصلے سے ریاست بھر کے لاکھوں امیدوار شدید مایوسی کا شکار ہوئے ہیں، کیونکہ بہت سے طلبہ امتحانی مراکز جانے کی تیاری کر چکے تھے، اسی دوران انہیں امتحان منسوخ ہونے کی اطلاع ملی۔
ٹی ای ٹی امتحان اساتذہ بننے کا خواب دیکھنے والے ہزاروں نوجوانوں کے لیے نہایت اہم سمجھا جاتا ہے۔ متعدد امیدواروں نے کئی ماہ کی محنت اور تیاری کے بعد اس امتحان میں شرکت کی منصوبہ بندی کی تھی، مگر پرچہ لیک ہونے کے شبہ نے ان کی محنت پر پانی پھیر دیا۔قابلِ ذکر ہے کہ چند روز قبل نیٹ (NEET) امتحان کے مبینہ پرچہ لیک معاملے نے بھی ملک بھر میں بڑا تنازع کھڑا کیا تھا۔ اب مہاراشٹر میں بھی اسی نوعیت کا واقعہ سامنے آنے کے بعد امتحانی نظام کی شفافیت پر سوالات اٹھنے لگے ہیں۔ اس معاملے کی متعلقہ ایجنسیاں تفصیلی تحقیقات کر رہی ہیں تاکہ پرچہ لیک ہونے کی اصل وجہ اور اس کے ذمہ دار افراد کا پتہ لگایا جا سکے۔ امتحان کی نئی تاریخ کے بارے میں سرکاری اعلان جلد متوقع ہے۔
ابتدائی اطلاعات کے مطابق، تھانے علاقے سے سوالیہ پرچہ لیک ہونے کی اطلاع متعلقہ حکام کو موصول ہوئی، جس کے بعد انتظامیہ نے فوری طور پر امتحان منسوخ کرنے کا فیصلہ کیا۔ 
اس فیصلے سے ریاست بھر کے لاکھوں امیدوار شدید مایوسی کا شکار ہوئے ہیں، کیونکہ بہت سے طلبہ امتحانی مراکز جانے کی تیاری کر چکے تھے، اسی دوران انہیں امتحان منسوخ ہونے کی اطلاع ملی۔
ٹی ای ٹی امتحان اساتذہ بننے کا خواب دیکھنے والے ہزاروں نوجوانوں کے لیے نہایت اہم سمجھا جاتا ہے۔