سعودی عرب: مسجد نبوی میں ایک سال کے دوران ۸؍ ہزار۳۳۵؍ طلبہ نے قرآن مجید حفظ کیا

 

(انقلاب) مدینہ منورہ مسجد نبوی میں ۲۰۲۵ء کے دوران قرآنی تعلیم کے حلقوں میں ۸؍ ہزار۳۳۵؍ طلبہ نے قرآن کریم حفظ کیا۔ ورچوئل قرآنی تعلیم پروگرام میں ۴۰؍ ہزار طلبہ کی رجسٹریشن کی گئی اور ۳؍ ہزار سے زیادہ تعلیمی حلقوں کا بندوبست کیا گیا۔
مدینہ منورہ مسجد نبوی میں ۲۰۲۵ء کے دوران قرآنی تعلیم کے حلقوں میں ۸؍ ہزار۳۳۵؍ طلبہ نے قرآن کریم حفظ کیا۔ سعودی خبررساں ایجنسی ’ایس پی اے‘ کے مطابق مسجد نبوی میں دینی تعلیم کے پروگرام سے جہاں عام طلبہ مستفیض ہوتے ہیں، علوم دینی سے سالانہ بنیادوں پر دنیا کے مختلف ملکوں سے آنے والے زائرین اور حجاج بھی فیض یاب ہوتے ہیں۔ جاری اعداد وشمار کے مطابق مسجد نبوی کے دروسِ قرآن کے حلقوں سے سالانہ۲ء۱؍ ملین عمرہ زائرین و حجاج مستفیض ہوتے ہیں جبکہ ۲؍لاکھ کے قریب قرآن کریم و سنت نبوی کلاسوں سے فارغ ہونے والوں کو اسناد جاری کی گئی، علاوہ ازیں ۲؍ لاکھ نئے طلبہ رجسٹرکئے گئے۔ 
مسجد نبوی کے حلقوں میں ۱۷۰؍ ممالک کے طلبہ مستفیض ہوئے اور ایک لاکھ۸۶؍ ہزار کے قریب سنت نبوی اور علمی نصوص کے لائسنس جاری کئے گئے۔ سنت نبوی اورعلمی نصوص کے شعبہ حفظ سے ۲۵؍ ہزار طلبہ فراغ التحصیل ہوئے ہیں۔ ورچوئل قرآنی تعلیم پروگرام میں ۴۰؍ ہزار طلبہ کی رجسٹریشن کی گئی اور ۳؍ ہزار سے زیادہ تعلیمی حلقوں کا بندوبست کیا گیا، ان حلقوں کی نگرانی کیلئے۱۵۰۰؍ مرد وخواتین اساتذہ کو متعین کیا گیا۔ یومیہ بنیادوں پر طلبہ میں ۳۰؍ لاکھ سے زیادہ خوراک کے پیکٹس تقسیم کئے تاکہ دوران تعلیم طلبہ کی خوراک کی ضروریات کو پورا کیا جائے۔