یکم مئی سے ایس ٹی کی نئی مہم ''اپلی بس، اپلی سیوا'' شروع

 

مبئی، 26 اپریل(ہ س)مہاراشٹر اسٹیٹ روڈ ٹرانسپورٹ کارپوریشن کی جانب سے یکم مئی سے ''اپلی بس، اپلی سیوا'' ( ہماری بس ، ہماری خدمات ) مہم شروع کرنے کا اعلان کیا گیا ہے،

 جس کا مقصد مسافروں کو بہتر خدمات فراہم کرنا اور عوامی اعتماد کو مضبوط بنانا ہے۔ اس مہم کا اعلان ریاستی وزیر ٹرانسپورٹ اور ایس ٹی کارپوریشن کے چیئرمین پرتاپ سرنائیک نے کیا،

ثناء بک ڈپو انجمن چوک مالیگاؤں حاجی شاہد انجم 

9270416786

 جب کہ اس حوالے سے نائب صدر و منیجنگ ڈائریکٹر ڈاکٹر مادھو کُسےکر نے تفصیلی سرکلر جاری کیا ہے۔حکام کے مطابق بسوں کی تعداد میں اضافہ ہونے کے باوجود مسافروں کی تعداد اور آمدنی میں متوقع اضافہ نہیں ہو سکا، 
جس کے پیش نظر خدمات کو مزید بہتر بنانے اور مسافروں کے ساتھ بہتر تعلق قائم کرنے کے لیے یہ اقدام کیا گیا ہے۔
اس مہم کے تحت ڈرائیور اور کنڈکٹر کو صرف ملازم کے بجائے خدمت فراہم کرنے والے کے طورپرکام کرنے کی ہدایت دی گئی ہے۔ بسوں کی روانگی سے قبل صفائی، وقت کی پابندی، مناسب یونیفارم اور نظم و ضبط کو لازمی قرار دیا گیا ہے۔
 اس کے ساتھ ہی ڈرائیور مسافروں کو سفر کے راستے، اسٹاپس اور وقت کے بارے میں معلومات فراہم کریں گے تاکہ بہتر رابطہ قائم ہو سکے۔
مہم میں مسافروں سے بھی تعاون کی اپیل کی گئی ہے، جس میں صفائی کا خیال رکھنا، ذاتی سامان کی حفاظت اور بڑے سامان کو مناسب جگہ پر رکھنے جیسے اقدامات شامل ہیں۔ 
اس کے علاوہ این سی ایم سی اسمارٹ کارڈ اور آن لائن ریزرویشن کے استعمال کی بھی حوصلہ افزائی کی گئی ہے۔
حکام نے واضح کیا ہے کہ اگر کسی وجہ سے بس منسوخ ہوتی ہے یا سفر میں رکاوٹ پیش آتی ہے تو مسافروں کے لیے فوری متبادل انتظامات کیے جائیں گے۔
 ساتھ ہی بس اسٹیشنز کی صفائی، سلامتی اور سہولیات کو بہتر بنانے کی بھی ہدایت دی گئی ہے۔مسافروں کی شکایات کے ازالے کے لیے ایک مؤثر نظام قائم کیا جائے گا، جس کے تحت فوری کارروائی کو یقینی بنایا جائے گا اور خدمات کا باقاعدہ جائزہ لیا جائے گا۔ 
یہ مہم یکم مئی 2026 سے ریاست بھر میں نافذ کی جائے گی۔ ہندوستان سماچار/ جاوید این اے