مالیگاؤں کا جواں سال فیضان سردار پٹیل کئی دنوں سے اچانک لا پتہ۔۔۔۔۔۔۔!! ایک ماں کی بے قرار دعائیں، ایک باپ کی بے بسی اور ایک خاندان کی ٹوٹتی ہوئی امیدیں ۔۔۔۔۔۔۔!!! مالیگاؤں:(خیال اثر )

 

 
مورخہ 21 جون 2026 کی صبح سے فیضان سردار پٹیل نامی 19 سالہ نوجوان لاپتہ ہے۔ فیضان نیشنل پیٹرول پمپ کے پیچھے، درے گاؤں کا رہائشی ہے۔ 

معمول کے مطابق وہ صبح اپنے گھر سے کام پر جانے کے لیے نکلا تھا، مگر اس کے بعد سے وہ گھر واپس نہیں لوٹا۔
دوپہر کے وقت جب وہ کھانے کے لیے گھر نہ آیا تو اہلِ خانہ کو تشویش لاحق ہوئی۔ ابتدا میں یہ خیال کیا گیا کہ شاید کسی کام میں مصروف ہوگا یا کسی وجہ سے دیر ہو گئی ہوگی، 
لیکن جیسے جیسے وقت گزرتا گیا، خاندان کی پریشانی بڑھتی گئی۔ شام ہونے تک جب اس کا کوئی سراغ نہ ملا تو گھر والوں نے اپنے طور پر ہر ممکن جگہ اس کی تلاش شروع کر دی۔ رشتہ داروں، دوستوں، جاننے والوں اور ممکنہ مقامات پر تلاش کے باوجود اس کے بارے میں کوئی اطلاع حاصل نہ ہو سکی۔
آج کئی دن گزر چکے ہیں، مگر فیضان کا کوئی پتہ نہیں چل سکا۔ اس دوران اہلِ خانہ نے پولیس میں گمشدگی کی رپورٹ بھی درج کروا دی ہے اور ہر دروازہ کھٹکھٹایا ہے، لیکن تاحال کوئی کامیابی حاصل نہیں ہوئی۔ 
گھر کا ماحول غم، فکر اور بے چینی سے بھرا ہوا ہے۔ والدین کی آنکھیں اپنے لختِ جگر کی راہ تکتے تکتے نم ہو چکی ہیں۔ ہر بجنے والی فون کال پر دل میں امید جاگتی ہے کہ شاید فیضان کے بارے میں کوئی خوشخبری مل جائے، 
مگر ہر بار مایوسی ہی ہاتھ آتی ہے۔
ایک نوجوان بیٹے کی اچانک گمشدگی نے پورے خاندان کو شدید ذہنی اذیت میں مبتلا کر دیا ہے۔
 اس کے والدین، بہن بھائی اور عزیز و اقارب انتہائی پریشان ہیں اور مسلسل دعائیں کر رہے ہیں کہ اللہ تعالیٰ اسے خیریت اور سلامتی کے ساتھ گھر واپس لوٹا دے۔
آپ تمام حضرات سے درد مندانہ اپیل ہے کہ اگر فیضان سردار پٹیل آپ کو کہیں نظر آئے، یا اس کے بارے میں کسی بھی قسم کی کوئی معلومات حاصل ہوں، 
خواہ وہ کتنی ہی معمولی کیوں نہ ہوں، تو براہِ کرم فوراً درج ذیل نمبروں پر رابطہ کریں۔
 آپ کی ایک اطلاع ایک پریشان خاندان کو ان کے بیٹے سے ملا سکتی ہے اور ان کی زندگیوں میں دوبارہ خوشیاں واپس لا سکتی ہے۔
📞 رابطہ نمبر: 9325200400 9822467332
براہِ کرم اس پیغام کو زیادہ سے زیادہ شیئر کریں۔ 
ہوسکتا ہے آپ کا ایک شیئر، 
ایک بے قرار ماں کے آنسوؤں کا مداوا بن جائے.
 اور ایک خاندان کو اس کی کھوئی ہوئی خوشی واپس مل جائے۔
اللہ تعالیٰ فیضان کو خیریت کے ساتھ جلد از جلد اپنے گھر والوں سے ملا دے۔ (آمین)