28 فروری 2024 - پریس ریلیز
ممبئی: جماعت اسلامی ہندمہاراشٹرکے امیر مولانا الیاس خان فلاحی نے آر ٹی ای داخلہ کے عمل میں حالیہ ترمیم کو واپس لینے کا مطالبہ کیا ہے۔
میڈیا کو ایک بیان میں، جماعت اسلامی ہند مہاراشٹر کے صدر نے کہا، ’’ہم آر ٹی ای داخلہ کے عمل میں حالیہ ترامیم پر بہت زیادہ فکر مند ہیں۔ مہاراشٹر حکومت کی طرف سے کی گئی ترمیم بلاجواز ہے کیونکہ یہ آر ٹی ای ایکٹ کے دفعہ 12(1)سی، کی روح کے خلاف ہے۔ اس سیکشن کا مقصد تعلیمی عدم مساوات کے مسئلے سے نمٹنے کے لیے اس بات کو یقینی بنانا ہے کہ 25% نشستیں پسماندہ پس منظر سے تعلق رکھنے والے بچوں (6-14 سال کی عمر) کے لیے مختص ہوں تاکہ تمام بچوں کے لیے برابری اور مساوی مواقع حاصل کیے جا سکیں۔ اس دفعہ میں ترمیم کے ذریعے پرائیویٹ اسکول اب غریب بچوں کو داخلہ دینے کے پابند نہیں ہوں گے۔معاشرے کے پسماندہ طبقوں کے بچوں کے والدین کو اپنے وارڈز کو سرکاری/امدادی اسکولوں میں داخل کرنا ہوگا اگر وہ اپنی رہائش کے 1 کلومیٹر کے اندر رہتے ہیں۔ وہ اپنے آس پاس کے کسی اچھے پرائیویٹ اسکول میں داخلہ لینے سے قاصر ہوں گے‘‘۔
جماعت اسلامی ہند مہاراشٹر کے امیر نے کہا، ’’یہ حکومت کا آئینی فرض ہے کہ وہ ریاست میں تمام بچوں کے لیے تعلیمی مساوات اور انصاف کو برقرار رکھے۔ آر ٹی ای میں ترمیم ایک صوابدیدی جغرافیائی رکاوٹ کو متعارف کراتی ہے جو پسماندہ بچوں کو متبادل پرائیویٹ اسکولوں کا انتخاب کرنے کے مواقع سے انکار کرتی ہے۔ خواہ یہ بہتر اور معیاری ہوں یا مخصوص ضروریات کو پورا کرتے ہیں۔ یہ ایک ناقابل تردید دستاویزی حقیقت ہے کہ زیادہ تر سرکاری اسکول میں بچوں کی تعداد زیادہہے، ناکافی انفراسٹرکچر نیز معیاری اساتذہ کی کمی کا بھی شکار ہیں۔قریبی نجی اسکولوں میں ممکنہ طور پر بہتر اختیارات تک رسائی سے انکار مراعات یافتہ اور پسماندہ کمیونٹیز کے درمیان تعلیمی فرق کو بڑھا دے گا‘‘۔
مولانا الیاس خان فلاحی نے کہا، ’’ہم حکومت سے آر ٹی ای قوانین میں حالیہ ترمیم کو فوری طور پر واپس لینے کی اپیل کرتے ہیں اور ایک پرکشش متبادل کی وکالت کرتے ہیں جو تمام بچوں کے لیے سرکاری اور سرکاری امداد یافتہ اسکولوں میں تعلیم کے معیار کو ترجیح دیتا ہو۔ جامع اور مساوی تعلیمی پالیسیاں تیار کرنے کے لیے اسٹیک ہولڈرز بشمول والدین، اساتذہ، سول سوسائٹی اور یونینز کے ساتھ کھلی اور شفاف مشاورت ہونی چاہیے‘‘۔
جاری کردہ:
ارشد شیخ
سکریٹری، میڈیا ڈپارٹمنٹ، جماعت اسلامی ہند، مہاراشٹر
پتہ: دارالفیض، ساتویں منزل، اقبال کمالی جنکشن، 4 سانکلی اسٹریٹ
مدن پورہ، بائیکلہ (مغرب)
ممبئی - 400008
موبائل: 9717424918
ای میل:
