جلگاؤں ( عقیل خان بیاولی)
جلگاؤں: 15 جولائی 2024 کو مہاراشٹر کے ضلع کولہاپور کے ایک گاؤں وشال گڑھ میں "رضا مسجد" نامی ایک مسجد میں شر پسندوں نے توڑ پھوڑ اور بے حرمتی کی آس پاس رہنے والے مسلمانوں کے گھروں میں گھس کر سامان تحس نحس کیا جس وجہ سے گھروں میں موجود عورتیں اور بچے بہت زیادہ ڈر اور سہم گئے تھے۔ مہاراشٹر میں ہوئے اس شرمناک واقعہ کو لے کو فوراً ہی AIMIM مہاراشٹر کے ریاستی صدر و سابق رکنِ پارلیمینٹ سید امتیاز جلیل نے نوٹس جاری کیا کہ مہاراشٹر بھر میں مجلس کے کارکنان اس حملہ کی سخت سے سخت مذمت کرے اور اپنی مخالفت درج کرائے۔ اسی کے چلتے جلگاؤں AIMIM کے ضلع صدر احمد شیخ کی قیادت میں ایک وفد نے جلگاؤں ضلع کلکٹر کے ذریعہ ریاست مہاراشٹر کے وزیر اعلٰی ، ریاستی وزیر داخلہ اور ڈی.جی. پی. کو ایک میمورنڈم روانہ کیا کہ فوراً کاروائی کی جائے۔ جو بھی شرپسند اس حملہ میں شامل تھے ان کو فوراً حراست میں لے کر سخت سے سخت کاروائی کی جائے اور آئندہ ریاست بھر میں کسی بھی مسجد، مدرسہ یا مذہبی مقام پر ایسا معاملہ پیش نہ آئے اس کا پورا خیال رکھا جائے۔ اس وفد میں جلگاؤں تعلقہ کارگزار صدر خالد کھاٹک، شیبان فائز ، کامل خان، رضوان شیخ،ارشد شیخ، فیضان شیخ، ارشد خان، انیس شاہ، جلیس شاہ، حذیفہ باغبان، علی خان وغیرہ شامل تھے۔ساتھ ہی ١٩ جولائی کو یک روزہ احتجاجی مظاہرہ کرنے سے متعلق بھی اطلاع دی گئی ۔