اقراء شاہین جونیئر کالج میں کریئر گائیڈنس اور مارکس شیٹ کی تقسیم سنجیدگی سے اپنی صلاحیت دلچسپی، اؤر مواقع کے مطابق ہی کریئر کا انتخاب کریں۔ عبدالکریم سالار

 

جلگاؤں ۔ ( عقیل خان بیاولی) اقراء ایجو کیشن سوسائٹی،  کے زیر اہتمام اقراء شاہین جونیئر کالج مہرون میں جماعت بارہویں کے نتائج کے بعد کریئر گائیڈنس اور مارک شیٹ کی تقسیم کا پروگرام منعقد کیا گیا.

ادارہ کی روایت رہی ہے کہ ہر سال دسویں اور بارہویں جماعت کے نتائج کے بعد کامیاب طلبہ کے اعزاز میں مارکس شیٹ کی تقسیم کے موقع پر کرئیر گائیڈینس پروگرام منعقد کیا جاتا ہے۔
 شروعات تلاوت قرآن کریم سے کی گئی۔ پرنسپل قاضی ضمیر الدین سعید الدین نے افتتاحی کلمات پیش کیے۔ایجوکیشن سوسائٹی کے جنرل سیکرٹری الحاج اعجاز ملک  نے اسلاف کی تاریخ کے حوالے سے طلبہ کی رہنمائی کی .
ایچ جے تھیم کالج کے وائس پرنسپل ڈاکٹر وقار شیخ نے  UPSC اور دیگر مقابلہ جاتی امتحانات کے تعلق سے رہنمائی فرمائی، پرنسپل ڈاکٹر ہارون بشیر نے اقراء شاہین NEET اکیڈمی کا تفصیلی تعارف پیش کیا.

 صدارت سوسائٹی کے  صدر الحاج عبد الکریم سالار نے کی۔ بطور مہمانان خصوصی سوسائٹی کے بانیان اور اراکین ڈاکٹر ذبیعُ اللہ شاہ ، ایس۔ایم ظفر، غلام نبی باغبان ، عبدالعزیز سالار، امین الدین بادی والا ، شیخ طارق انور ، آصف اقبال شاہ ، رمیز امین الدین بادی والا، عرفان سالار کے علاوہ جونیئر کالج کے تمام اساتذہ کرام موجود تھے.
 نظامت کے فرائض افتخار احمد نے ادا کۓ، رسم شکریہ سپروایئزر شیخ ذاکر بشیر نے ادا کیا۔ بعدازاں دہم و بارہویں جماعت کے اولین پانچ پانچ ، مہاراشٹر اسٹیٹ اسکالر شپ امتحان میں نمایاں کامیابی حاصل کرنے والے پانچویں اور آٹھویں جماعتوں کے اولین کے ساتھ ساتھ الفیض فاؤنڈیشن کے زیر اہتمام مشن یو پی ایس سی کے ہفتم ، نہم اور یازدہم جماعتوں کے اولین کا بھی گل دے کر اعزاز کیا گیا۔