مولانا کلیم صدیقی کر رہا کیا جائے کھام گاؤں،کل جماعتی تنظیم نے کیا صدر جمہوریہ سے مطالبہ

 

کھام گاؤں (واثق نوید)معروف عالم دین ، داعی اسلام حضرت مولانا کلیم صدیقی صاحب کی بے جا و غیر آئینی گرفتاری کے خلاف ملک گیر سطح پر انصاف پسند افراد  بالخصوص مسلمانوں میں شدید بے چینی و ناراضگی پائی جارہی ہے۔ آسام میں حال ہی میں مسلمانوں کے خلاف انسانیت کو شرمسار کرنے والی حیوانیت کو دیکھتے ہوئے ریاستی حکومت کے خلاف مظاہرے، احتجاج، اور مذمت جاری ہے۔

 اسی ضمن میں کھام گاؤں شہر میں بھی کل جماعتی تنظیم کی جانب سے دونوں واقعات کی مذمت میں صدر جمہوریہ ہند کو ممورنڈم دیا گیا۔ 

ملی جانکاری کے مطابق آج 30 ستمبر کر دو پہر 12 بجے شہر کی تمام مکتبہ فکر کے علماء اکرام پر مشتمل کل جماعتی تنظیم کی جانب سے مولوی انیس اشرفی کی قیادت میں مقامی ایس ڈی او کی معرفت صدر جمہوریہ ہند کو ممورنڈم روانہ کیا گیا۔ جس میں مولانا کلیم صدیقی کی اتر پردیش، اے ٹی ایس کے ذریعے بے جا و غیر آئینی گرفتاری و آسام میں حال ہی میں بے گناہ مسلمانوں کے خلاف ظلم وزیادتی کی پرزور مذمت کرتے ہوئے مولانا کلیم صدیقی کی فورآ رہائی کا مطالبہ کیا گیا۔

 آسام میں مسلمانوں پر ظلم وزیادتی کرنے والے افسران پر فوری کارروائی کا مطالبہ کیا گیا۔ اس موقع پر شہر کی کل جماعتی تنظیم کے ذمہ دان، سیاسی رہنما ، معزز شخصیات موجود تھی۔ 

واضع رہے کی کھام گاؤں شہر میں کل جماعتی تنظیم مولانا کلیم صدیقی کے لئے احتجاجی ریلی، دھرنے آندولن کی تیاری میں تھی لیکن مقامی انتظامیہ کی جانب سے اجازت نہ ملنے پر آج شہریان کھام گاؤں کی جذباتوں کی ترجمانی کرتے ہوئے صدر جمہوریہ ہند کو مقامی ایس ڈی او کی معرفت ممورنڈم روانہ کیا گیا۔